Өкмөт башчынын айтымында, Кыргызстан аталган интеграциялык уюмга мүчө болбосо, бир топ кыйналмак.
"Эгерде Кыргызстандын Евразиялык экономикалык биримдикке кириши боюнча чечим кабыл алынбаса, өлкөнүн экономикалык жагдайы кандай өнүгөөрүн болжолдоо кыйын болот эле. Аны менен бирге эле кризистик кырдаалдан өтүү бир топ кыйын болот эле. Бажы союзундагы тышкы чек аралары чычкан мурду жөргөлөгүс болуп жабылмак. Биз муну так жана даана түшүнүүбүз керек", — деди Сариев.
Ал Кыргызстан өндүргөн продукцияларын сата турган рыноктордон дээрлик четтеп, бөлүнүп, туңгуюкка кептелик калмак деп кошумчалады.
