БИШКЕК, 24-фев. — Sputnik. Ош облусунун Кара-Суу районунда ишмердүүлүгүнө тыюу салынган "Хизб ут-Тахрир" уюмуна тиешеси бар деп шектелген 16 аял кармалды. Бул тууралуу Sputnik Кыргызстан агенттигине ОИИБ маалымат катчысы Жеңиш Аширбаев билдирди.
Анын айтымында, прокуратура тарабынан райондо жайгашкан үйлөрдүн бирин тинтүүгө санкция берилген.
"Милиция кызматкерлери үйдөн 16 аялды кармашты. Алардын жанынан экстремисттик адабият табылган. Кармалгандар ислам дининин негиздерин өздөштүрүү үчүн чогулганын айтышууда", — деди Аширбаев.
Аялдардын күнөөлүүлүгүн тергөөчүлөр аныктайт. Учурда теологиялык экспертиза дайындалганы белгилүү болду.
