БИШКЕК, 24-фев. — Sputnik. Beechcraft SuperKingAir-350 учагы аукциондо сатылганын мамлекеттик "Эйр Кыргызстан" ("Кыргызстан" авикомпаниясы") ААКы билдирди.
2008-жылы чыккан В300 моделиндеги Beechcraft SuperKingAir-350 учагы 2008-жылы аукциондо 6,3 миллион долларга ошол убактагы президент Курманбек Бакиев үчүн сатып алынган.
Мамлекеттик "Эйр Кыргызстан" Ачык акционердик коому Beechcraft SuperKingAir-350 учагы 2015-жылы 7-декабрда болгон аукциондо сатылганын маалымдайт. Аны Aerovista FZE ЖЧКсы (Бириккен Араб эмирлиги) алды", — деп авиакомпаниянын расмий сайтында маалымдалат.
Ошол эле учурда учактын сатып алынганын Араб эмирлигиндеги компания да өз сайтында тастыктайт. Aerovista FZE компаниясы аны кайтадан сата турганын маалымдайт.
"Эйр Кыргызстан" ААКтын жетекчилиги менен байланышууга мүмкүн болгон жок.
Интернетте бул учактын баасы чыккан жылына карата төрт миллион доллардан тогуз миллион долларга чейин бааланат.
Эске салсак аталган учак Курманбек Бакиевди ташуу үчүн сатып алынган. 2010-жылы апрель окуяларынан кийин учак улутташтырылган.
