БИШКЕК, 13-фев. — Sputnik. Бишкектин эки аймагында газ берүү беш күнгө токтотулат. Бул тууралуу "Газпром Кыргызстан" ишканасынан билдиришти.
"Газ 15-февралдан 19-февралга чейин өчүрүлөт. Бул газ түтүктөрүн оңдоо иштерине байланыштуу", — деп айтылат маалыматта.
Түтүктөрдү оңдоо иштери Бишкек шаарынын Фрунзе, Абдрахманов көчөлөрү, Жибек Жолу жана Эркиндик проспектиси менен чектешкен аймактарда жүргүзүлөт.
Мындан сырткары, борбордун түндүгүндө жайгашкан Красный строитель, төмөнкү Ала-Арча, Кара-Жыгач токоюу, Алматы көчөсү жана Аламүдүн айылында көгүлтүр от токтотулат.
