БИШКЕК, 8-фев. — Sputnik. Жеңил атлет Илья Тяпкин Израилде өтүүчү турнирге катыша турганын жаштар иши, дене тарбия жана спорт боюнча мамлекеттик агенттиги билдирди.
7 Бирдин айы 2016, 17:19
Жеңил атлетика боюнча Кыргызстандын курама командасынын мүчөсү Илья Тяпкин эл аралык лицензиялык марафонго катышат. Аталган иш чара 23-28-февралда Тель-Авивде (Израиль) өтөт. Спорттун олимпиадалык түрү боюнча дирекциянын бюджетинен 242 миң сом каралган.
Ошондой эле, жеңил атлетика боюнча Кыргызстандын курама командасы жабык имаратта өтүүчү Азия чемпионатына катышат. Бул мелдеш 17-22-февралда Доха шаарында (Катар) өтөт. Ал жакка беш спортчу эки машыктыруучунун коштоосунда барат.
2016-жылы Рио-де-Жанейродо өтчү Олимпиадага катышуу үчүн кыргызстандык спортчулар 4 лицензия утушса, паралимпиадалык оюндарга эки лицензияны камсыз кылышкан. Бул жылы жалпысынан спорттун он түрү боюнча 12 лицензия утуу пландалып жатат.
