БИШКЕК, 4-фев. — Sputnik. Соттук-медициналык экспертиза борборунун адистери Москвада каза болгон кыргызстандыктардын сөөгүн берүүнү тездетүүгө даяр экенин билдиришти. Бул тууралуу Тышкы иштер министрлиги маалымдайт.
Үстүбүздөгү жылдын 30-январында Москва шаарынын чыгыш аймагындагы Стромынка көчөсүндөгү өнөр жай имараттарынын биринен өрт чыгып, 3 миң чарчы метри күйүп кеткен. Натыйжада имараттын чатыры кулап, 12 адам каза тапкан. Анын сегизи Кыргызстандын жараны, экөө — Россиянын жарандыгын алган этникалык кыргыздар жана эки өзбекстандык жаран экени белгилүү болгон.
Бюронун эксперттери Кыргызстандын Россиядагы элчилигинин кызматкерлери менен жолугушуп, ДНК-изилдөөнү болушунча тездетүүгө убада беришти.
Мындан тышкары, элчилик Россиянын Москва боюнча Тергөө комитетине ишти ар тараптуу жана объективдүү кароону өтүнгөн кайрылуу жолдоду.
