Депутат: кээ бир куудулдарга катуу жаза берүү керек

Жазылуу
Yandex newsTelegram
Эл өкүлү апрель революциясын мазактаган артисттердин наамын алып, аларды ИИМ дыкат текшерүүсү зарыл экенин белгиледи.

БИШКЕК, 4-фев. — Sputnik. Апрель революциясын шылдыңдап жаткан айрым куудулдарды катуу жазага тартуу керектигин Жогорку Кеңештин депутаты Мээрбек Мисканбаев парламентте сүйлөп жатып билдирди.

Анын айтымында, куудулдар элди чогултуп алып, апрель революциясынын каармандарын мазактап жатышат. Депутат саясатты сатирага салган куудулдарга тиешелүү органдар көзөмөл кылбай жатканына нааразы экенин билдирди.

"Кээ бир куудулдар өлкөдөгү ири шаарларда концерт коюп, апрель революциясын сатирага салуу менен элдин нааразылыгын жаратууда. Мага адамдар кайрылып, тиешелүү чара көрүүнү өтүнүштү. Бек Борбиев Минскке чейин барып ырдап, куудулдар болсо апрель баатырларын шылдыңдап жатышат. Булар — маскарапоздор. Наамдарын алып, аларды ИИМ текшерүүсү керек", — деди депутат.

Учурда Жогорку Кеңеш өз жыйынын улантууда.

Жаңылыктар түрмөгү
0