БИШКЕК, 29-янв. — Sputnik. Тарых жана маданият жылына карата өткөрүлүүчү иш-чараларды даярдап жогорку деңгээлде өткөрүү максатында Мамлекеттик дирекция түзүлгөнүн премьер-министр Темир Сариев уюштуруу комитетинин жыйынын билдирди.
Сариев Тарых жана маданият жылына карата өкмөт тарабынан комплекстүү иш-чаралардын планы иштелип чыгып, аларды жогорку деңгээлде даярдап өткөрүү максатында Мамлекеттик дирекция түзүлгөнүн, ага белгилүү жазуучу Султан Раев жетекчилик кыларын маалымдады.
"Быйыл биз үчүн абдан маанилүү жыл. Өзүбүздү сыйлап, эгемендикти, мамлекеттүүлүктү даңктоочу учур келди", — деди өкмөт башчы.
Тарых жана маданият жылын өткөрүү боюнча түзүлгөн план 4 бөлүктөн туруп, ага 140 иш-чара камтылганы белгилүү болду.
Жыйында айрым сунуштарды эске алуу менен иш планды 10 күндүн ичинде тактап чыгуу милдеттендирилди.
