БИШКЕК, 26-янв. — Sputnik. "Кумтөрдө" кырсыктан каза тапкан кишинин он баласы болгон деп билдирди Жети-Өгүз райондук ИИБден.
Милициядан кырсыктын чоо-жайын айтып беришти. "Конвеер №2" фабрикасындагы майда таштарды тышка чыгаруучу техниканын резинасына кыпчылып калып, окуя болгон жерден 56 жаштагы Керимбек Корголдоев каза болгон.
"Корголдоевдин денесине сыртынан кароо жүргүзүү учурунда башынын төбөсү сөөгүнө чейин катуу нерсеге сүрүлүп, чачы түшүп калган. Оң колунун ийини булчуңуна чейин териси айрылып, катуу жаракат алгандыгы көрүнүп турат", — деп жазылган милициянын маалыматында.
Бул боюнча экспертиза башталып, сөөк өлүкканага жөнөтүлгөн.
