БИШКЕК, 22-янв. — Sputnik. Сауд Аравиясынын жогорку муфтийи Абдуль-Азиз ибн Абдуллах Аль аш-Шейх шоу телеберүүнүн эфиринде өлкө жарандарына шахмат ойноого тыюу салып, ал исламга туура келбей турганын билдирди деп жазат The Guardian басылмасы.
"Шахмат азарт оюндарынын катарына кирип, акчаны жана убакытты алып, эки оюнчу ортосундагы жек көрүүнү пайда кыла турчу оюн", — дейт аш-Шейх.
The Guardian басылмасынын маалыматы боюнча шахмат оюну Иранда 1979-жылы болгон революциядан кийин бир канча убакытка чейин тыюу салынган. Учурда Иранда спорттун бул түрү боюнча конфедерация бар жана өз иштерин жигердүү аткарып келет.
Басылма ошондой эле, дин аалымдары эгер шахмат адамдын убактысын алып, күнүмдүк ибадаттарын кылууга жолтоо болбосо аны ойноого тыюу салбайт. Ал эми шахмат оюну учурунда ставка коюуга тыюу салынган.
