БИШКЕК, 10-янв. — Sputnik. Өзгөчө кырдаалдар министрлиги автоунаа менен сапарга чыккандарды сак болууга чакырып, өзгөчө, Бишкек-Ош жана Каракол-Эңилчек жолдорун эскертти.
"10-11-январында жааган жана күтүлүп жаткан жаан-чачынга байланыштуу тоолуу райондорунда, Бишкек-Ош авто унаа жолунун 121-138, 198-265-чакырымдарында жана Каракол-Эңилчек авто унаа жолунун 45-90- чакырымдарында кар көчкү түшүүсү күтүлөт. Кар күрткүсү пайда болот. Жолдор тайгак болуп муз тоңот",— деп кабарлады ӨКМдин маалымат кызматы.
ӨКМ жолго чыккан автоунаалардын ортосунда 500 метр аралык сакталыш зарылдыгын эскертти.
Борбор калаа Бишкекте түнкүсүн жаан-чачын күтүлбөйт, күндүз жаан, кар жаашы мүмкүн. Батыштан соккон шамалдын ылдамдыгы секундасына 4-9 метрден, күндүз 14 метрге жетет. Абанын температурасы түнкүсүн 0…2 градус, күндүз 10…12 градус жылуу болот.
