БИШКЕК, 10-янв. — Sputnik. Жалал-Абад шаарындагы базардын кампасына киргендер 21 мүшөк курутту, чагылган жаңгакты уурдап кетишкен. Бирок, колу туткактар алардын изине түшкөн шаардык милициянын кызматкерлерине тутулду. Бул туурасында Жалал-Абад облустук Ички иштер башкармалыгынын маалымат кызматынан билдиришти.
Милициянын маалыматында, уурдалган азыктар 2 миллион сомдук зыян келтирилген.
Жергиликтүү жашоочу Кубанычбек Мамбетов кабыгынан ажыратып, чагып даярдап койгон 2 тоннага чукул жаңгагын алдырып жибергендигин билдирген.
"Кампама уурулукка киришип, эшигин жараксыз кылып сындырып салган. Эсебим боюнча 400 миң сомдук товарымдын акчасын уурдашкан", — деди Мамбетов.
Уруулук менен жан баккан топ азык-түлүктөн сырткары автоунааларга да "ууга чыгып"жүргөн.
"Кармалгандардын жанынан 53 000 сом акча, мындан сырткары BMW, Daewoo matiz үлгүсүндөгү автоунаалары кайтарылып алынды",— деп билдирди маалымат кызматы.
Учурда кылмышка шектүү катары Сузак районунун жана Ош облусунун эки жараны кармалып убактылуу кармоочу жайга киргизилип тергөө амалдары жүрүүдө. Андын сырткары буларга көмөктөштү деген эки кишиге издөө салынды.
