БИШКЕК, 10-янв. — Sputnik. Кызыл-Кыялык мугалимди аткан киши эки суткадан бери изделүүдө. Бул туурасында Баткен облустук ички иштер башкармалыгынан кабарлашты.
5 Үчтүн айы 2016, 12:45
2015-жылдын 8-январында Өрнөк айылынын тургуну 25 жаштагы Кабылды Абылкасым уулун 35 жаштагы Азамат Пахиров Макаров тапанчасы менен атып кеткен. Жабырлануучу оор абалда ооруканага жеткирилип, окуя болгон жерден милиция кызматкерлери алты гильза жана бир ок тапкан.
Милициянын маалыматында ыкчам иликтөө тобу тарабынан кылмышка шектүү Азамат Пахиров изделип, бирок, азырынча табыла элек. Милициянын божомолу боюнча, ал Ош облусуна качып кетиши мүмкүн. Облустук ички иштер башкармалыгынан анын кайсыл жерде жашырынып жаткандыгы боюнча азырынча так маалыматтар жоктугун билдиришти.
