БИШКЕК, 9-янв. — Sputnik. Эмгек жана социалдык өнүгүү министрлигине былтыр дээрлик 2,6 миң арыз түшкөнүн министрликтин маалымат кызматы билдирди.
Кат түрүндө келип түшкөн арыздар өткөн жылдагыга салыштырмалуу 450гө көп. Мурдагы жылы 859 кат келген.
"1100 киши коомдук кабылдамага өзү келип кайрылган. Калгандарын жетекчилик кабыл алган", — деп айтылат билдирүүдө.
Кайрылгандардын 31 пайызы мамлекеттик жөлөк пул, 14,5 пайызы майыптарга көрсөтүлгөн кызмат, 8,7 пайызы үй-бүлө жана балдар тууралуу болгон. Калган арыздар укуктук маселелер, материалдык жардам көрсөтүү, интернат мекемелерине жайгаштыруу боюнча келген.
Түшкөн арыздардын 43 пайыздан ашыгы Бишкек шаарынын тургундарынан келип түшкөн.
