Чучук чуусу: чүйгүн тамактан мурдун чүйрүгөн чет элдик жаран депортацияланат

БИШКЕК, 4-янв. — Sputnik. Сот "Кумтөр" компаниясынын кызматкери Майкл Макфитти депортациялоо боюнча чечим чыгарганын Каракол шаардык соту билдирди.

"Аталган жаранды депортациялоо боюнча соттун токтому чыкты", — деп айтылат билдирүүдө.

Узап кеткен жылдын 30-декабрында алтын кен ишканасынын кызматкери Майкл Макфит социалдык тармакка комбинаттын тамак-аш столунда отурган сүрөтүн жарыялап, аны коштогон кыргыздын улуттук тамак-ашынын бири — жылкынын чучугун аттын жыныстык мүчөсү деп жазган. 

Бул постун Макфит социалдык тармактарда бир топ ызы-чуу жаралгандан кийин өчүрүп, кечирим суроого аргасыз болгон. Аны укук коргоо кызматкерлери "Манас" аба майданынан кармашкан.

Ала арада Макфиттин ата-энеси уулу улуттук тамак жөнүндө оюнда эч арамы жок эле айтып койгону тууралуу билдирүү таратты.