БИШКЕК, 4-янв. – Sputnik. Индиянын Мьянма менен чектешкен аймагында болгон жер титирөө төрт адамдын өмүрүн алып, дагы 50 кишиге зыян алып келгенин Ассошиэйтед Пресс агенттигине таянуу менен РИА Новости билдирди.
Буга чейин бир адам өлүп, 21 жашоочунун жабыркаганы тууралуу маалымдалган.
Шаарда бир нече турак жай кыйраган. Полициянын айтымында, Импхалда жаңы эле курулуп бүткөн алты кабаттуу имарат жана соода борборунун бир тарабы кулап калган. Агенттик аталган аймакта негизинен жапыз тамдар жайгашканын белгилейт.
Магнитудасы 6,7ге жеткен зилзала Индиянын түндүк-чыгышында жайгашкан Манипур штатында болгон. Жер титирөөнүн очогу штаттын борбору Импхал шаарынан батышты карай 29 чакырым алыстыкта жайгашып, тереңдиги 55 чакырымда катталганы айтылууда.
Күбөлөрдүн айтымында жер болжол менен бир минутага чейин титиреген. Мындан тышкары, силкинүү Импхалдан 600 чакырым алыстыкта жайгашкан Калькутта шаарында да сезилген.
