БИШКЕК, 29-дек. — Sputnik. "Ислам мамлекети" (ИМ) террористтик тобу нефть жана согуш олжолорунун "министрликтерин" түзгөнүн РИА Новости америкалык аскерлер тарабынан Сириядан алынган документтерге таянуу менен билдирди.
АКШнын ИМ боюнча өкүлү Бретт Макгерк согушкерлердин карамагына өткөн аймактагы башкаруу системасынын тез арада жөнгө салынышын бюрократизация, система жана дивандар (батыштагы министрликке жакын) камсыз кылганын түшүндүрдү.
ИМ бүгүнкү күндө дүйнөлүк коопсуздукка коркунуч жараткан уюмдардын бири. Үч жыл аралыгында согушкерлер Ирак менен Сириянын басымдуу бөлүктөрүн ээлеп алууга жетишкен. Мындан тышкары, алар өз таасирин Түндүк Африка, негизинен Ливияга жайылтууну көздөп келишет.
Ар кандай маалыматтар боюнча ИМ тарабынан көзөмөлдөнгөн аймактын аянты 90 миң чарчы чакырымга жетет. Ал эми экстремисттик уюмдун курамындагылардын саны да 50 миңден 200 миңге чейин деп айтылып келет.
