БИШКЕК, 7-ноя. — Sputnik. Арменияда жекшемби күнү президенттик башкаруудан парламенттик башкарууга өтүү тууралуу конституцияга өзгөртүү киргизүү боюнча референдум өттү. Шайлоонун жыйынтыгында добуш бергендердин 63,35 пайызы парламенттик башкаруу системасын колдогон. Мындай билдирүүнү өлкөнүн Борбордук шайлоо комиссиясы билдирди.
БШКнын маалыматына ылайык, өлкө боюнча 2 миллион 550 миң 323 киши добуш берүү үчүн катталса, шайлоого 1 миллион 296 миң 368 киши катышкан.
Жыйынтыкка ылайык, добуш бергендердин 63,35 пайызы "макул" дешсе, 32,35 пайызы парламенттик башкаруу системасына каршы добуш беришкен.
