БИШКЕК, 19-ноя. — Sputnik. Кыргызстан командасынын кийинки расмий беттешүүсү 2016-жылдын март айында өтөт.
2018-жылы Россияда өтө турган Дүйнө чемпионатынын тандоо турунун алкагында Кыргызстан менен Тажикстандын командалары Душанбе шаарында 29-мартта беттешет.
Кыргызстан өз талаасында иорданиялыктарды 17-ноябрь күнү кабыл алды. Оюн улуттук футболчулардын пайдасына 1:0 эсеби менен аяктады.
Кыргызстандын куржунунда 11 упай топтолду. "В" тайпасынын сап башында 15 упай менен Австралия келе жатат. Экинчи орунда 13 упай топтогон Иордания турат. Жергиликтүү команда үчүнчү болсо, төртүнчү жана бешинчи орунда Тажикстан менен Бангладештин командалары келе жатат.
Дүйнө чемпионатынын финалдык бөлүгү 2018-жылы Россияда өтөт.
