БИШКЕК, 13-ноя. — Sputnik. Кыргызстандын футбол боюнча курама командасы эми 2018-жылы Россияда өтө турган дүйнө чемпионатынын тандоо турунун алкагында Иордания менен беттешет.
Оюн 17-ноябрь күнү Бишкектин Дөлөн Өмүрзаков атындагы стадионунда болот. Кечээ, 12-ноябрь күнү кыргызстандык футболчулар Канберрада австралиялыктар менен беттешип, 3:0 эсебинде жеңилип калган.
Мындан тышкары, команда 2016-жылдын жаз айында Тажикстандын командасы менен алардын талаасында кездешет. Кыргызстандык футболчулардын Дүйнө чемпионатына катышуу мүмкүнчүлүгү колдон чыгып кетти. Бирок 2019-жылы Бириккен Араб Эмирлигинде өтө турган Азия чемпионатына катышууга ат салышса болот.
