БИШКЕК, 10-ноя. — Sputnik. Кыргызстан — Иордания оюнуна билеттер бүгүнтөн баштап, шейшемби күнү сатыкка чыга турганын Футбол федерациясы билдирди.
Беттешүү 17-ноябрь күнү Дөлөн Өмүрзаков атындагы стадиондо өтөт. Буга чейин Кыргызстандын курама командасы Австралиянын футболчулары менен 12-ноябрда Канберра шаарында беттешет.
Билеттер 14.00дөн 19.00гө чейин стадиондун кассасында жана таратуучуларда, дем алышсыз, 17-ноябрга чейин сатылат.
