БИШКЕК, 26-сен. — Sputnik. Борбор калаадагы № 69 Токтогул Сатылганов атындагы мектеп-гимназияда "Күзгү кербен: табигый илимдердин жылып жүрүүчү чеберканасы" деп аталган иш-чара өтөт.
Сабак "Бишкек шаарындагы экологиялык көйгөйлөр" деп аталып, 7-8-класстын окуучуларына багытталган.
Анда экология темасындагы таанып билүүчү фильмдер менен видео-роликтер көрсөтүлүп, жандуу оюндар жана экологиялык викторина өткөрүлөт. Анын жыйынтыгында өзгөчөлөнгөн, активдүү катышкан окуучуларга сыйлыктар ыйгарылат.
Бул иш-чараны "Таалим-Форум" коомдук фондунун өкүлдөрү өткөрөт.
Күзгү кербенди өткөрүү демилгесин "Роза Отунбаеванын демилгеси" фонду менен Бишкек шаардык билим берүү башкармалыгы көтөргөн.
