БИШКЕК, 19-сен. — Sputnik. Республиканын мектептеринде жол кыймылынын эрежелерин окутуу боюнча көчмө сабактар өткөрүлүп жатканын Билим берүү жана илим министрлиги билдирди.
Маалыматка ылайык, аталган долбоордун алкагында 15-сентябрдан 30-сентябрга чейин 14 аймактык жана төрт шаардык мектеп окуучуларына сабак өткөрүлөт.
Долбоор балдарды жол эрежелери менен тааныштыруу, интерактивдүү окутуу аркылуу жол жүрүүнүн негизги эрежелери менен билим системасын түзүүгө багытталган.
Окутуу учурунда балдарга жол чырак менен жолдон өтүү, аялдамада туруу эрежесине байланышкан түрдүү абалдар сунушталып, анын негизинде өзүн кандай алып жүрүү керектиги тууралуу маалымат берилет.
