БИШКЕК, 26-сен. — Sputnik. Бишкектин айрым райондорунда жаратылыш газы өчүрүлө турганын "Газпром Кыргызстан" ишканасы билдирди.
Маалыматка ылайык, көгүлтүр от орточо басымдагы газопроводдордогу газ чыккан жерлерди оңдоо иштеринен улам үстүбүздөгү жылдын 28-сентябрынан 2-октябрына чейин өчүрүлөт.
Ишкананын билдирүүсүндө, борбор калаанын Жаш гвардия бульвары, Жибек Жолу проспектиси, Алматы көчөсү, Чоң Чүй каналы менен чектешкен жана Орозбеков, Чоң Чүй каналы, Дзержинский, Боталиев көчөлөрүнүн чектешкен жерлеринде беш күн бою газ болбойт.
