Ысык-Көл өнүктүрүү фондун башкаруу дирекциясына кылмыш иши козголду

© Sputnik / Табылды КадырбековКылмыш иши сакталуучу "Дело" папкасы. Архив
Кылмыш иши сакталуучу Дело папкасы. Архив - Sputnik Кыргызстан
Жазылуу
Тендер өткөрүүдө катышуучулардын квалификациялык талаптары эске алынбай, жабдыктын баасы жасалма жогорулатылган. Мындан тышкары, жабдык үчүн акча алдын ала төлөм жүргүзүлбөстөн дароо толук которулуп кеткен. Бардык тендердик документтер буга чейин өтүп келген тендерлердин шаблону менен түзүлгөн.

БИШКЕК, 16-сен. – Sputnik. Ысык-Көл өнүктүрүү фондун башкаруу дирекциясынын жетекчилиги мамлекетке бир миллиондон ашуун сом өлчөмүндө зыян келтирип, мындан улам мекемеге карата кылмыш иши козголгонун ИИМ билдирет. 

Акча жана кол кишен. Архив - Sputnik Кыргызстан
Эки кылмыш ишине тиешеси бар сот 80 миң сом пара алып жаткан жеринен кармалды
Маалыматка ылайык, 2013-жылдын август айында Ысык-Көл районунун Кара-Ой айылына муниципалдык тегирмен орнотуу үчүн дирекция тарабынан тендер уюштурулуп, жабдык алып келүү укугуна "Жоомарт Элес" ишканасы ээ болгон.

Декабрь айында толук каражатты алган "Жоомарт Элес" ишканасы тегирмендин жабдыктарын туура бир жылдан кийин, 2014-жылдын август айында гана алып келип, аны орнотпостон кетип калышкан. Мындан улам Кара-Ой айыл өкмөтү жеке бюджетинен калган жабдыктарды алуу жана тегирменди орнотуу үчүн 127 миң сом бөлүүгө аргасыз болуп, жалпы 1 миллион 800 миң сомго чыгат. 

"Жоомарт-Элес" ишканасынын ээси бүгүнкү күнгө чейин алып келинген жабдыктын техникалык документтерин, келишимди, эсеп-фактурасын көрсөтө албай келет. Тегирмен келишимдин айрым бөлүктөрүнүн аткарылбаганын улам ушу кезге чейин пайдаланууга кабыл алынбай келет", — деп айтылат билдирүүдө. 

2015-жылдын май айында жабдыктын баасы унаа жана башка чыгымдарынын эсебин кошкондо 653 миң экени аныкталып, мамлекетке 1 миллион 47 сом зыян келтирилген. 

Бишкек шаарынин мэриясынын имараты. Архив - Sputnik Кыргызстан
Бишкек мэриясынын жумушчуларына карата 1,5 жыл ичинде 20 кылмыш иши козголгон
Текшерүү учурунда тендер өткөрүүдө катышуучулардын квалификациялык талаптары эске алынбай, жабдыктын баасы жасалма жогорулатылганы белгилүү болду. Мындан тышкары, жабдык үчүн акча алдын ала төлөм жүргүзүлбөстөн дароо толук которулуп кеткен. Бардык тендердик документтер буга чейин өтүп келген тендерлердин шаблону менен түзүлгөн. 

Аталган факт боюнча кызмат абалынан кыянаттык менен пайдалануу, алдамчылык жана шалаакылык беренелеринин негизинде кылмыш иши козголду. Тергөөнү Ысык-Көл райондук прокуратурасы жүргүзүүдө.

Жаңылыктар түрмөгү
0