Ысык-Көл 2015-жылы КМШ өлкөлөрүнүн ичинен мыкты туристтик объект аталды

Жазылуу
Кыргызстандын бермети Ысык-Көл КМШ ичинде Казакстандын Боровое, Армениянын Севан жана Белоруссиянын Нарочь курортторун артка калтырды.

БИШКЕК, 16-сен. – Sputnik. Ысык-Көлдүн курорттору россиялык туристтердин эң көп суроо-талабына ээ болгонун travel.ru туристтик он-лайн сервиси билдирди.

Компаниянын изилдөөсүнө ылайык, Ысык-Көл Казакстандын Боровое, Армениянын Севан, Белоруссиянын Нарочь көлдөрүн жана Азербайжандын Набрань курортторун артка калтырган.

Ысык-Көль автоунаа жолу. Архив - Sputnik Кыргызстан
Ысык-Көлдө эс алуу маалында чет өлкөлүк туристтер былтыркыдан азыраак жабыр тартышты
Мындан тышкары, Бишкек шаары да россиялык туристтер көп кызыккан калаа катары тизменин 8-сабынан орун алган.

Популярдуулук боюнча алдыңкы ондукка Минск, Киев, Алматы, Баку, Ереван, Астана, Витебск, Бишкек, Ташкент жана Кишинев кирген.

Мында Кыргызстандын борбор калаасы арзан шаар катары белгиленген. Мейманканада бир суткалык жашоо орточо эсеп менен 30 долларды түзөт. Ал эми Астана шаарында бул баа 85 долларга жогору турат. 

Жергиликтүү өз алдынча башкаруу жана улуттар аралык мамилелер боюнча мамлекеттик агенттиктин директорунун орун басары Михаил Халитовдун айтымында, россиялык туристтерди көбүнесе арзан баа, ыңгайлуу климат жана улуттук каада-салт кызыктырып келет.

"Мында россиялыктардын Кыргызстандын кайсы гана аймагы болбосун, орус тилинде ээн-эркин баарлаша алары да чоң мааниге ээ", — деди ал. 

Халитов баанын арзан болушу россиялык туристтер үчүн пайдалуу болгону менен, мамлекеттин бюджетине бир топ зыян алып келерин кошумчалады. Анын айтымында, кызмат көрсөтүүдөгү төмөн баалардан өлкө бюджети бөксө бойдон калууда. Чиновник бааларды жогорулатуудан салык төлөмдөрүнүн көлөмү мындан да кыскарышы мүмкүн экенин белгилейт.

Жаңылыктар түрмөгү
0