БИШКЕК, 16-сен. — Sputnik. Президент Алмазбек Атамбаев Тажикстанга болгон иш сапарынын алкагында Россия президенти Владимир Путин менен жолугуп, эки тараптуу кызматташуунун келечегин талкуулады.
Путин 12-августта Кыргызстандын ЕАЭБге кошулуусу жөнүндө келишим күчүнө киргендигин эске салды. Ал эки өлкөнүн экономикаларын өнүктүрүү жаатында күч-аракеттерди бириктирүүгө кошумча мүмкүнчүлүктөрдү берээрине ишенимин билдирди. "Кызматташуубуздун бардык комплекси боюнча канааттануу менен пикир алмашабыз", — деди Россия президенти.
Атамбаев кыргыз-россиялык кызматташуунун актуалдуу маселелерин талкуулаганга мүмкүнчүлүк болгонуна канааттануусун билдирди.
"Мен дагы жолугушуубузга жана эки тараптуу мамилелердин маселелерин сүйлөшүүгө жана бул маселелерди чечүүгө мүмкүнчүлүккө кубанычтуумун. Анткени негизи бизде маселелер болбой, жаркын келечекке пландар гана болушу керек", — деди Алмазбек Атамбаев.
