Якутиядагы диаспоралар таймашында 1-орун өзбек, 2-орун кыргыз мигранттарына буюрду

Жазылуу
Yandex newsTelegram
Биринчи жайкы Спартакиада кыргыздардын "Манас" диаспорасынаын демилгеси менен 2014-жылы өткөн. Кийинки спорттун иш чараны өткөрүү өзбек диаспорасына тапшырылган.

БИШКЕК, 27-авг. — Sputnik. Саха республикасынын борбору Якутск шаарында өлкөдөгү диаспора жана башка уюмдардын ортосунда II жайкы Спартакиадасы өттү. Бул тууралуу "Замандаш" ассоциациясы кыргыздардын "Манас" диаспорасына шилтеме берүү менен билдирди.

22-23-август күндөрү Якутск шаарында Улуу Жеңиштин 70 жылдыгына арналган жайкы Спартакиада болуп өттү.

Якутиядагы айтуучулар конкурсунун жеңүүчүсү манасчы Баялиевди министр куттуктады
Маалыматка ылайык, Саха республикасында 150дөн ашык улуттун өкүлдөрү жашайт. Диаспоралар жана башка уюмдардын ортосундагы биринчи жайкы Спартакиада кыргыздардын "Манас" диаспорасынын демилгеси менен 2014-жылы өткөн. Кийинки спорттун иш чараны өткөрүү өзбек диаспорасына тапшырылган. 

Жайкы Спартакиаданы өткөрүүнүн максаты өлкөдө жашап жаткан көп улуттуу элдин ортосундагы достукту жана байланышты чыңдоо. Ошондой эле өсүп келе жаткан жаңы муунду мекенчилдикке, сергек жашоо мүнөзүнө тарбиялап, башкаларды урматтоону көздөйт.

Жайкы Спартакиада-2015 оюндарына төрт команда катышты. Алар: өзбек дисапорансынын "Наукат", кыргыз диаспорасынын "Манас" командасы жана "Хоту-Ас" менен "Труд" командалары.

Спартакиаданын катышуучулары волейбол, мини футбол, эстафета, 24 килограммдык гиряны көтөрүү, кол күрөш боюнча таймашты.

Биринчи орунду өзбек диаспорасынын командасы, экинчи орунду кыргыз диаспорасынын командасы ээледи.

Жаңылыктар түрмөгү
0