Якутиядагы айтуучулар конкурсунун жеңүүчүсү манасчы Баялиевди министр куттуктады

© Ринат МурзаевМаданият, маалымат жана туризм министри Алтынбек Максутов манасчы Замирбек Баялиевди Якутияда өткөн айтуучулардын сынагында жеткен жеңиши менен куттуктады
Маданият, маалымат жана туризм министри Алтынбек Максутов манасчы Замирбек Баялиевди Якутияда өткөн айтуучулардын сынагында жеткен жеңиши менен куттуктады - Sputnik Кыргызстан
Жазылуу
Замирбек Баялиев куттуктоо учурунда чеберчилиги менен багынткан сыйлыктары тууралуу айтып берди.

БИШКЕК, 25-июнь — Sputnik. Маданият, маалымат жана туризм министри Алтынбек Максутов манасчы Замирбек Баялиевди Якутияда өткөн айтуучулардын сынагында жеткен жеңиши менен куттуктаганын мекеменин маалымат кызматы билдирди.

Кыргыз манасчы Замирбек Баялиев. Архив - Sputnik Кыргызстан
Замирбек Баялиев манасчылардын эл аралык фестивалында жеңүүчү болду
17-18-июнь күндөрү Якутскиде (Саха Республикасы) "По зову земли Олонхо" аттуу айтуучулардын I эл аралык фестивалы болуп өттү. Якутия, Монголия, Тыва, Хакасия, Калмыкия, Башкыртстан, Азербайжан мамлекеттеринен келген катышуучулардын ичинен Кыргызстандан барган манасчы Замирбек Баялиев биринчи орунга ээ болгон.

Куттуктоо учурунда манасчы чеберчилиги менен багынткан жеңиши үчүн алган сыйлыктары тууралуу айтып, көрсөтүп берди. Саха Республикасынын мамлекеттик жыйынынын төрагасы Александр Жирков жеңүүчүгө алтын саат берсе, ал эми өкмөт жетекчиси Егор Борисов бриллиант жалатылган "Жарандык каармандык үчүн" күмүш белгисин тартуулаган.

Министр Алтынбек Максутов манасчыга чеберчилиги үчүн ыраазычылык билдирди. "Манас" эпосун жайылтууда жасап жаткан эмгегин жогору баалап, чыгармачылык ийгилик каалап өттү.

Жаңылыктар түрмөгү
0