БИШКЕК, 31-июль — Sputnik. 25 миң сом пара алып жаткан жеринен Кара-Суу РИИБдин милициянын лейтанты колго түштү. Аны Башкы прокуратуранын Ош шаары жана Ош облусу боюнча тергөө башкармалыгы, УКМКнын коррупцияга каршы күрөшүү кызматынын өкүлдөрү кармашкан.
Бул тууралуу Башкы прокуратуранын маалымат кызматы билдирди.
Маалыматка ылайык, Ош облустук прокуратурасына жаран кайрылып, Кара-Суу РИИБдин кызматкери камакка алам деп коркутуп, андан акча талап кылганын айткан.
Кармалган милиция кызматкерине карата прокуратура Кылмыш жаза кодексинин 313-беренеси ("Пара талап кылуу") боюнча кылмыш ишин козгоду.
Учурда ал камакка алынып, тергөө иштери улантылууда.
