БИШКЕК, 29-июль — Sputnik. Токтогул районунун Жаңы-Жол айыл аймагында, Бишкек-Ош унаа жолунун 289-чакырымында "Ниссан-Альмера" үлгүсүндөгү машина менен "МАН" жүк ташуучу автоунаасы бетме-бет кагылышканын ӨКМ билдирет.
Натыйжада, "Ниссандын" айдоочусу жана бир жүргүнчүсү каза болуп, үч адам оор жаракат менен ооруканага жеткирилген. Учурда мерт болгондордун жана жаракат алган эки адамдын аты-жөнү такталып жатат.
Маалыматка ылайык, "МАН" автоунаасындагылар аман-эсен, эч кандай жараат алган эмес.
Кырсык болгон жерге келген куткаруучулар жарадарларды унаадан чыгарып, каза болгондорду Токтогул районунун өлүкканасына жеткиришти.
