Кылмышкерлерди кармоо боюнча "перехват" планы жарыяланды.
БИШКЕК, 20-июль — Sputnik. "Экоисламикбанктын" Бишкектеги филиалына куралдуу кол салуудан күзөтчү курман болгонун Ички иштер министрлигинен билдирди.
Каза тапкан 52 жаштагы күзөтчү "Зевс" күзөт агенттигинин кызматкери болгон. Кылмышкерлерди кармоо боюнча "перехват" планы жарыяланды. Шаардык тез жардам кызматынан окуя болгон жерге атайын машина чыкты.
"Экоисламикбанктын" Бишкектеги филиалына куралдуу кол салуу.
ИИМден билдиришкендей, каракчылар акчаны алганга үлгүргөн эмес.
Банктан аталган факты боюнча азырынча комментарий берүүдөн баш тартышты.
Бейшемби күнү, 16-июлда Бишкек шаарынын Горький жана Темиров көчөлөрүнүн кесилишинде УКМКнын атайын операциясынын жүрүшүндө эл аралык террордук топтун мүчөлөрү жок кылынган. Аталган топ өлкөдө бир нече террордук чабуулдарды жасоону пландаганын атайын кызмат билдирген. Операция маалында 4 согушчан жок кылынып, УКМКнын 4 аскери жаракат алган. Атайын кызматтын маалыматына ылайык, террордук топту Жогорку Кеңештин мурдагы депутаты К.М.К. курал жана акча менен камсыздаган жана ал өлкөдөн чыгып кетүүгө аракет кылганда кармалган. УКМК бул топ өлкөдөгү каржы мекемелерине жана жеке ишкерлерге кол салууну да пландаганын билдирди.
