БИШКЕК, 3-июль — Sputnik. Ысык-Көл облусундагы "Кумтөр" кени орун алган аймакта азыр жамгыр карга айланып жаап жатканын компаниянын ЖМК менен байланыш бөлүмү билдирди.
"Түбөлүк тоң каптаган аймакта дайыма жаан-чачын болуп турат. Түштөн кийин аба ырайы кескин өзгөрүп турушу кадимки көрүнүш", — деп билдирди ЖМК менен байланыш бөлүмү.
ӨКМдин маалыматында, өлкө боюнча күн абдан ысык, абанын температурасы +41 градуска чейин жетери болжолдонууда.
Кен аймагында иштеген бардык кызматкерлер жылуу кийим-кече, жылуу жатакана, ысык тамак-аш менен толук камсыз болгонун ишканадан кошумчалашты.
