БИШКЕК, 3-июль — Sputnik. УКМКнын коррупцияга каршы кызматы ИИМдин Нарын облусундагы медициналык кызмат башкармалыгынын психоневрологиялык диспансердеги адамга жасалма далилкат бергендигин аныктады. Бул туурасында УКМКнын маалымат кызматы билдирди.
"Аталган Башкармалыктын кызматкери ишинен пайдаланып, мыйзам бузуп, психиатрдын автоунаа айдоого болбойт деген бүтүмүнө карабай, ал адамга транспорт башкарууга болот деген жалган далилкат берген", — деп билдирди УКМКнын маалымат кызматы.
2015-жылдын 1-июлунда Кылмыш жаза кодексинин эки беренеси боюнча кылмыш иши козголду деп кошумчалашты УКМКдан.
