БИШКЕК, 3-июль — Sputnik. Кыргызстандын курама командасынын мүчөсү Александар Слепченко ласт менен сууда сүзүү боюнча дүйнөлүк чемпионатта коло медалга татыды. Бул туурасында КРдин сууда сүзүү федерациясы билдирди.
Чемпионат 26-июндан 30-июнга чейин Санкт-Петербург шаарында өткөн.
Слепченко эркектер арасында 300 метр аралыкка сүзүү боюнча коло байгени утуп алды. Россиялык Максим Быковец 3 мүнөт 13,3 секунда көрсөткүч менен биринчи орунду ээледи. Экинчи орунду Иван Рожков (3 мүнөт 20,6 секунда) алды. Ал эми Александар Слепченко чемпионатта 3 мүнөт 53,3 секунда көрсөткүч менен үчүнчү болду.
