Чуулгандуу видеодогу инспекторлор кызматынан бошотулду

© Sputnik / Илья Питалев / Медиабанкка өтүүИнспектор кызматкери. Архив
Инспектор кызматкери. Архив - Sputnik Кыргызстан
Жазылуу
Кыргызстандын ИИМ Жол кайгуул кызматынын жетекчиси Сергей Дьяченко видеодогу эки кызматкер иликтөө иштери учуруна кызматтан четтетилгенин билдирди. Ал ИИМ аталган кызматкерлерге бейбаштык фактысы боюнча кылмыш ишин козгоону карап жатканын белгилеп өттү.

БИШКЕК, 1-июль — Sputnik. Пара талап кылды деп шектелген Бишкек ШИИБ Жол кайгуул кызматынын (ЖКК) эки инспектору кызматтык териштирүү учурунда иштен бошотулганын аталган мекеменин жетекчиси Сергей Дьяченко билдирди.

Дьяченко: инспекторлордун пара талап кылып жатканы түшүрүлгөн видеотасма иликтөөгө алынат
Шейшемби күнү социалдык тармактарда ЖКК инспекторлорунун үч жүргүнчүсү бар унааны токтоткону тартылган видео жайгаштырылган. Машинада отургандар 28-июндан 29-июнга караган түндө болгон бул окуяны видеого тартып алышкан. Инспектордун пара талап кылып жаткан жерин тартып алгандан кийин сыртка чыгып кызматкерлердин документтерин сурашкан. Инспекторлордун жанында турган жарандар кийлигишип, араздашып кетишкен. Андан соң видеону алуу үчүн инспекторлор машинанын артынан кууп жөнөшкөнүн жүргүнчүлөрдүн бири Болот Ибрагимов маалымдаган.

Дьяченконун айтымында, ИИМ аталган кызматкерлерге карата кылмыш ишин козгоону карап жатат. 

"Бейбаштык фактысы аныкталды", — деди Дьяченко.

Шаршемби күнү инспекторлордун пара талап кылып жатканы түшүрүлгөн видео боюнча кызматтык териштирүүнү ИИМ Жеке коопсуздук башкы башкармалыгы жүргүзө турганы белгилүү болду. Иликтөө аракеттери Ички иштер министри Мелис Турганбаевдин жеке көзөмөлүнө алынды.

Жаңылыктар түрмөгү
0