БИШКЕК, 1-июль— Sputnik. Баткен районунун прокуратурасы муниципалдык менчик департаментин текшерип, мыйзам бузууларды аныктаганын Башкы прокуратуранын маалымат кызматы билдирет.
Текшерүүнүн жыйынтыгында департаменттин жооптуу кызматкерлери тарабынан Баткен шаарынын борбордук паркында жайгашкан жер участокторун пайдалануу үчүн ижара төлөмүн алуу боюнча жасалма документтердин берилгени аныкталды. Мындан мамлекетке 177 миң сом зыян келтирилген.
Аталган факт боюнча райондук прокуратура кылмыш жаза кодексинин 171-беренеси (Ишенип берилген мүлктү өзүнө ыйгаруу же пайдалануу) жана 315-беренесинин (Кызматтык документ жасалмалоо) негизинде кылмыш иштериy козгоду.
Учурда тергөө амалдары жүрүп жатат.
