Ала-Букада жол кырсыгына кабылып ооруканага түшкөндөр жакшы боло баштады

Жазылуу
Ала-Бука районундагы кырсыкка кабылган бүтүрүүчүлөрдүн абалы жакшырып, анын ичинен бирөөсү өз алдынча басканга жарап калды.

БИШКЕК, 29-июнь — Sputnik. Ала-Бука районунда мындан бир нече күн мурда жол кырсыгына кабылган бүтүрүүчүлөр менен айдоочунун абал жакшы. Бул туурасында райондун аймактык ооруканасынын башкы дарыгери Жыргалбек Осмоналиев Sputnik маалымат сайтына билдирди. 

Башкы дарыгер азыр ооруканадагылардын абалы жакшы экендигин, анын ичинен бирөөсү өз алдынча басканга жарап калганын билдирди.

"Жандандыруу бөлүмүндө жаткан кыздын абалы кадыресе жакшы. Палатадагы экөөнүн бири өз алдынча басканга жарап калды. Ал эми Жалал-Абад облустук ооруканага жиберилгендердин биринин мээсине кан уюп калды деген түкшүмөлүбүз, кудай жалгап, ырасталган жок", — деди Осмоналиев.

Ала-Бука районунда 2015-жылы 22-июнда бүтүрүүчүлөр жол кырсыгына кабылган. Анын кесепетинен үч киши каза болуп, айдоочунун кошкондо алты киши жабыркап, райондук ооруканага жеткирилген. Бир нече күндөн кийин оорукананын жандандыруу бөлүмүндөгү эки окуучунун бири да көз жумган.

Жаңылыктар түрмөгү
0