Сариев күч түзүмдөрүнүн өкүлдөрү катышкан чатакты териштирүүнү тапшырды

Жазылуу
НовостиTelegram
Өкмөт башчысы күч орган кызматкерлери чатакташып, өз ара тирешкени жакшы эместигин айтып, иликтөөнүн жыйынтыгы боюнча күнөөлүүлөрдү жоопко тартуу зарылдыгын айтты.

БИШКЕК, 29- июнь — Sputnik. Премьер-министр Темир Сариев Улуттук коопсуздук боюнча мамлекеттик комитет алдындагы Коррупцияга каршы кызмат менене Өкмөт алдындагы Экономикалык кылмыштарга каршы күрөш мамлекеттик кызматынын кызматкерлери катышкан окуяны териштирип чыгуу тапшырмасын берди. Өкмөт башчысы күч орган кызматкерлеринин ортосунда мындай кырдаалдын жаралышы жаман көрүнүш экенин белгиледи.

Кол кишен. Архив - Sputnik Кыргызстан
Атайын кызмат: ЭКККМК кызматкерлерин кармоодо кесиптештери тоскоолдук жаратты
Мындай окуяларга жол бергени үчүн Экономикалык кылмыштарга каршы күрөш мамлекеттик кызматынын төрагасы Бактыбек Ашыровго сөгүш жарыялады.

Коопсуздук маселелери боюнча вице-премьер-министр Абдырахман Маматалиевге жана Улуттук коопсуздук боюнча мамлекеттик комитеттин төрагасы Бусурманкул Таабалдиевге түзүлгөн кырдаалды тыкыр иликтеп чыгууну тапшырды. 

Сариев иликтөө жыйынтыгы боюнча күнөөлүүлөр жоопко тартылышы зарыл экенинин эскертти.

Жаңылыктар түрмөгү
0