БИШКЕК, 22–июнь — Sputnik. Айлана-чөйрөнү коргоо жана токой чарбасы боюнча мамлекеттик агенттик Кызыл китепке киргизилген жаныбарларды атууга мыйзамсыз уруксат бергенин ИИМдин маалымат кызматы билдирет.
Маалыматка ылайык, мекеме жетекчилери тарабынан берилген уруксаттын негизинде сейрек кездешүүчү жаныбарларды атуудан мамлекетке 8 миллион 880 миң сом зыян келтирилген.
Мыйзамсыз уруксат сибирь текесин, каман, элик, түлкү, коен, кыргоол, кекилик-чил, өрдөк атууга берилген. Текшерүү иштеринин натыйжасында илимий изилдөөгө алуу шылтоосу менен аркар-кулжаларды атып, аларды Кыргызстандан алып чыгып кетүүгө 20 уруксат берилгендиги аныкталган.
Натыйжада Башкы прокуратура тарабынан мекеме жетекчилерине карата КР кылмыш жаза кодексинин 304-беренесине (Кызмат абалынан кыянаттык менен пайдалануу) ылайык кылмыш иши козголду.
Учурда иликтөө иштери жүрүп жатат.
