БИШКЕК, 9 июнь — Sputnik. Унаа токтотууда жанындагы бактарды текшерүүнү Биринчи Май районунун жетекчиси Аскербек Алиев маалымат жыйынында билдирди.
Дүйшөмбү күнү кечки саат сегизде катуу шамал болуп, андан бактар кулап, электр түйүндөрү жабыркаган.
Акимдин айтуусунда, Бишкек мэриясы катуу шамалга даяр турган, анткени ӨКМ кооптуу жагдай түзүлөрүн эскерткен. Кырдаал саат сайын өзгөрүп жатат. Мэрияга учурда чатырлары кыйраган үйлөр тууралуу жаңы маалыматтар түшүүдө.
"Шамалдын кесепеттери ушул убакка чейин жоюлууда. Мындан тышкары, азыр бардык бактар текшерүүдөн өтүп жатат. Жарандардан унааны этияттык менен токтотууну, жанындагы бактарды бир сыйра карап коюуну өтүнөбүз", — дейт аким.
Алиев жакын арада авариялык абалдагы бактар кыйыла баштарын кошумчалады.
