БИШКЕК, 8 июнь — Sputnik. Бишкекте бул жылы бак-дарактарды сугаруу боюнча көйгөйлөр болбой турганын Sputnik кабарчысына берген маегинде шаар мэри Кубанычбек Кулматов билдирди.
Анын айтымында, сугаруу үчүн тийиштүү каражаттын бардыгы бөлүнгөн. Сугаруу иштери 1-июнда башталды дейт мэр.
"Өткөн жылы сугаруу боюнча шаарда эле эмес, бардык жерлерде көйгөй жаралган. Бул жылы бак-дарактарды толугу менен сугарууну камсыз кылууга шарт бар", — деди Кулматов.
Бишкек мэри түз эфирде шаардыктардын борбор калаанын тазалыгы, жолдордун курулушу жана аларды оңдоп-түзөө иштери, көчөлөрдү жарыктандыруу сыяктуу суроолоруна жооп берди.
Мындан тышкары, шаардыктаргы эски имараттардын реконструкцияланышы, жаңы жолдордун ачылышы жана шаарды өнүктүрүү агенттигинен көрсөтүлүүчү жардам тууралуу маалыматтар кызык экенин белгилей кетүү зарыл.
