БИШКЕК, 5-сен. — Sputnik. Абсолюттук мушкерлер уюмунун (UFC) өкүлдөрү америкалык белгилүү мушкер Тони Фергюсонго Абу-Даби шаарындагы UFC 242 турниринин башкы беттешинде запас спортчу болууну сунуштаган, бирок спортчу мындан баш тарткан. Бул тууралуу Р-Спорт жазды.
UFC 242 турнири 7-сентябрда өтөт. Кеченин башкы беттешинде россиялык Хабиб Нурмагомедов менен Дастин Порье уюмдун 70 килограммдагы чемпиондук наамы үчүн кармашат.
Фергюсондун айтымында, мушкерлердин бирөө бир нерсе болсо, ордуна даяр турууга сунуш түшкөн. Бирок ал буга макул болгон эмес.
"Мен запастагы мушкер эмесмин. Өзүмдүн чемпиондук наамым үчүн ат салышууга татыктуу болдум деп ойлойм. Нурмагомедов менен Порье беттешип, утканы кайра мени менен октагонго чыгышы керек", — деген Фергюсон.
Фергюсон менен Нурмагомедов октагондо төрт ирет беттешпей калган. 2014-жылы россиялык мушкер тизесинен жаракат алганына байланыштуу, ал эми 2017-жылы салмак куугандыктан ден соолугу начарлап кетип, турнир өтпөй калган. 2016-2018-жылы америкалык мушкер жаракат алып калган.
