БИШКЕК, 3-апр. — Sputnik. Россиянын Санкт-Петербург шаарындагы метродо жардыруу болду. Бул тууралуу РИА Новости агенттиги билдирди.
Жардыруу "Сенная" жана "Технологический институт" станцияларында болгон. Анын кесепетинен каза болгондор жана жаракат алгандар бар экенин шаардын укук коргоо органдары билдирген.
Алдын ала маалымат боюнча аталган станциялар жабылып, кишилерди сыртка чыгаруу жүрүп жатат.
Окуяга күбө болгондор сүрөттөрдү жана видеолорду жарыялап жатат.
Жардыруу боюнча Россиянын президенти Владимир Путинге дагы кабар берилгенин анын маалымат катчысы Дмитрий Песков билдирди. Учурда ал Санкт-Петербургда жумушчу сапары менен жүргөн.
