Жалпы жонунан Кыргызстандын аймагында 20 миңге жакын Россия жараны жашайт. Саат 10.00гө алынган маалымат боюнча Бишкектеги дипломатиялык өкүлчүлүктө миң адам добуш берген. Ал эми саат 12.00дө Россиянын президентин шайлоого келгендер элчиликтин алдында кезегин көпкө күтүп калышты. Болжолдуу түрдө алардын саны 800дөн 1000ге чейин жетиши мүмкүн. Биринчилерден болуп жаш баласы бар аялдар, майыптар киргизилип жатат.
Саат 13.00дө шайлоого келгендердин катары дагы калыңдап 300-400 метр аралыкка тизилип туруп калышты. РФ элчилигинин кызматкеринин айтымында, ушундай эле кырдаал Чүйдүн Кара-Балта шаарында да жаралган.
