20:24 28 Тогуздун айы 2020
Түз эфир
  • USD81.6688
  • EUR96.0833
  • RUB1.0531
Спорт
Кыскача шилтеме алуу
205 0 0

Спортчу ыргыткан топту кулжа башы менен сүзүп кайтарат. Балбан бул тоо жаныбары адам менен тил табыша аларын белгилеген.

БИШКЕК, 19-авг. — Sputnik. Олимпиада чемпиону, Россиянын эркин күрөш боюнча атактуу балбаны Абдулрашид Садулаев тоо аркары менен топ ойноду. Балбандын жаныбар менен ойногон сүрөт, видеосу чемпиондун Instagram баракчасына жайгаштырылган.

Посмотреть эту публикацию в Instagram

Публикация от Sadulaev Abdulrashid (@sadulaev_abdulrashid)

Маалыматта видео Россиянын күрөш боюнча курама командасынын Дагестандагы Цумадин районунун тоолорунда окуу-машыгуу өткөрүп жаткан учурунда тартылганы айтылат.

Анда "Орус танкы" атыккан Абдулрашид Садулаев ыргыткан топту кулжа башы менен сүзүп, кайтарып жатканын көрүүгө болот. Балбан өзү бул тоо жаныбары адам менен тил табыша аларын белгилеген.

АКШ балбаны Тейлор "Орус танкы" Садулаевге чакырык таштады

"Биздин окуу-машыгуу лагеринде адамдар гана эмес, тоо жаныбарлары да спорттук маанайда. Бул кулжа жакында эле регбичилер менен топ ойногонду үйрөнүп алыптыр. Эгер аны менен тиреше кетсең, эмне болорун элестетип койгула", — деген спортчу.

Абдулрашид Садулаев дүйнөнүн төрт, Европанын беш жолку чемпиону болуп саналат. "Орус танкы" 2016-жылы Рио Олимпиадасында алтын байге уткан.

Тема боюнча

Канатбек Бегалиев: Олимпиададагы ыза менен азыркыга чейин күрөшүп келем
Айсулуу Тыныбековага өмүр бою стипендия берилмекчи. Суммасы айтылды
Белгилер:
табият, спорт, кулжа, эркин күрөш, Абдулрашид Садулаев

ЭҢ МААНИЛҮҮ