11:04 29 Бирдин айы 2020
Түз эфир
  • USD69.8500
  • EUR77.0760
  • RUB1.0427
Спорт
Кыскача шилтеме алуу
550410

Тыныгуу учурунда россиялык балбан өзүн жаман сезгендиктен дарыгерлер аны карап чыгып, мелдешти улантууга болбой турганын билдиришти.

БИШКЕК, 16-янв. — Sputnik. Кыргызстандык белгилүү балбан Айсулуу Тыныбекова Италияда өткөн Matteo Pellicone эл аралык турниринин финалында россиялык Любовь Овчарованы утуп алды.

Ата мекендик спортчу 62 килограмм салмак категориясында күч сынашты. Беттештин биринчи бөлүгүндө Тыныбекова Овчарованы 7:2 упай эсебинде жеңген. Күрөштө үч мүнөттөн эки ирет кармашууга убакыт берилет. Тыныгуу учурунда россиялык балбан өзүн жаман сезгендиктен дарыгерлер карап чыгып, мелдешти улантууга болбой турганын билдиришти. Мындан улам жеңиш кыргызстандык спортчуга берилди.

Эске сала кетсек, биринчи кармашта кытайлык каршылашы Жи Лонгду убакыт бүтөрүнө 10 секунд калганда жеңип алган. Беттеш 6:6 эсеби менен жыйынтыкталган, бирок акыркы ыкманы Тыныбекова жасагандыктан жеңиш ага ыйгарылды.

Тыныбекова чейрек финалда 2019-жылы өспүрүмдөр арасында дүйнөнүн вице-чемпиону болгон америкалык Мэйси Эллен Килти менен кез келип, 10:0 эсебинде жеңишке жеткен.

Ал эми финалга чыгыш үчүн кыргызстандык спортчу дагы бир АКШлык балбан Кайла Коллин Миракл менен күч сынашты. Кармаш биринчи бөлүктө эле аяктады, себеби Айсулуу каршылашынын далысын жерге тийгизип жеңип алган.

Тема боюнча

Жаш агызган жеңиш. Тыныбекованын мыкты балбандардын катарына кирген видеосу
Айсулуу Тыныбекова жөнүндө тартылган даректүү тасманын трейлери чыкты
Таза жеңиш! Айсулуу Тыныбекова Стамбулдагы мелдештен алтын утту. Видео
Тыныбекова Италиядагы турнирдин финалына чыкты
Белгилер:
жеңиш, күрөш, Айсулуу Тыныбекова, Италия, Кыргызстан

ЭҢ МААНИЛҮҮ