БИШКЕК, 24-июл. — Sputnik. Кыргызстандык тайбоксчу Валентина Шевченко АКШлык атаандашы Тайбоксер Холли Холмду беттеште жеңип алды.
UFC турниринин алкагындагы бул кармашуу 23-июлда Чикаго (АКШ, Иллинойс штаты) шаарында өттү. Бишкекте жашагандар аны жекшембинин таңында көрө алышты.
Кармаш беш раунд менен болду. Анын жыйынтыгында калыстар жеңишти Кыргызстандык кызга ыйгарды.
Валентина Шевченко 62 салмактык категориясында кармашса, атандаашы Холм 61 салмакта беттешти.
КРдин муай-тай федерациясынын президенти Елена Шевченко социалдык тармактагы баракчасында спротчуну жеңиши менен куттуктады.
Ultimate Fighting Championship— спорттук мушташтын аралаш түрү боюнча беттешүүлөрдү Түндүк Америкада, Европада жана Азияда өткөргөн спорттук кадыр-барктуу уюм. Штаб-квартира Лас-Вегаста (АКШ) жайгашкан.
