БИШКЕК, 13-июн. — Sputnik. Өткөн суткада коронавирус 15 бейтаптын өмүрүн алды. Бул тууралуу Коомдук саламаттык сактоо башкармалыгынын жетекчиси Айнура Акматова брифингде билдирди.
Бир суткада коронавирустан көз жумгандар:
- Кыргыз-Түрк "Достук" ооруканасынан төрт адам. Алардын үчөө 56, 56, 46 жаштагы эркектер жана 60 жаштагы аял;
- Республикалык клиникалык инфекциялык ооруканасынан 70, 71 жаштагы эки аял;
- Ак-Талаа аймактык ооруканасынан 61 жаштагы бир эркек;
- Ат-Башы аймактык ооруканасынан 55 жаштагы бир аял;
- Жайыл аймактык ооруканасынан 69, 67 жаштагы эки эркек жана 83, 50, 61 жаштагы үч аял;
- Кадамжай аймактык ооруканасынан 77 жаштагы бир эркек;
- Лейлек аймактык ооруканасынан 75 жаштагы бир эркек.
Ушуну менен COVID-19дан каза болгондордун жалпы саны 147ге жетти.
