БИШКЕК, 23-июн. – Sputnik. Кытайлык жана америкалык окумуштуулардан турган топ организмге суу жетишсиз болгондо адам күн сайын эки сааттык уйкусунан куру каларын аныкташты. Бул тууралуу Newsyou.info басылмасына шилтеме берип "Известия" жазды.
Иликтөөлөргө караганда, эгер организмде суу нормадан төмөн болсо, уйку качып, адам алсырай баштайт. Мындай учурда киши суткасына эки сааттык уйкудан кол жууйт.
Муну билүү үчүн адистер 20 миңдей каалоочуга иликтөө жүргүзүшкөн. Ыктыярчылардан заара анализин алып, андан тышкары түнкү уйкусу тууралуу сурамжылашкан.
"Суу жетишпеген организм аны күнү бою көп чыгарбаганга аракет кылат экен. Качан гана адам жатып, жаны жай алганда организм сууну эми чыгарса болот деп табарсыкты толтуруп коёт. Мындайда киши түн ортосунда же таң атпай ойгонуп алат", — дейт окумуштуулар.
Ошондой эле адистер уйкунун бузулушуна тамак сиңирүүнүн бузулушу жана стресс да себеп болорун айтышат.
